ชั้นประโยค ป.ธ.๓

	๔. ปเสนทิโกสลราชวตฺถุ. (๒๓๔)

	"มิทฺธี ยทาติ อิมํ ธมฺมเทสนํ สตฺถา เชตวเน วิหรนฺโต
ราชานํ ปเสนทิโกสลํ อารพฺภ กเถสิ.

	เอกสฺมึ หิ สมเย ราชา ตณฺฑุลโทณสฺส โอทนํ ตทุปิเยน
สูปพฺยญฺชเนน ภุญฺชติ. โส เอกทิวสํ ภุตฺตปาตราโส ภตฺตสมฺมทํ อวิโนเทตฺวาว สตฺถุ สนฺติกํ คนฺตฺวา กิลนฺตรูโป อิโต จิโต จ สมฺปริวตฺตติ นิทฺทาย อภิภุยฺยมาโนปิ อุชุกํ นิปชฺชิตุ อสกฺโกนฺโต เอกมนฺตํ นิสีทิ. อถ นํ สตฺถา อาห "กึ มหาราช อวิสฺสมิตฺวาว อาคโต สี ติ. "อาม ภนฺเต, ภุตฺตกาลโต ปฏฺาย เม มหาทุกฺขํ โหตี ติ. อถ นํ สตฺถา "มหาราช อติพหุโภชนสฺส เอวํ ทุกฺขํ โหตี ติ วตฺวา อิมํ คาถม าห
	"มิทฺธี ยทา โหติ มหคฺฆโส จ นิทฺทายิตา สมฺปริวตฺตสายี มหาวราโห ว นิวาปปุฏฺโ ปุนปฺปุนํ คพฺภมุ เปติ มนฺโท ติ.
	ตตฺถ "มิทฺธีติ: ถีนมิทฺธาภิภูโต. มหคฺฆโสติ: มหาโภชโน
อาหารหตฺถกอลํสาฏกตตฺถวฏฺฏกกากมาสกภุตฺตวมฺมิกานํ อญฺตโร วิย. นิวาปปุฏฺโติ: กุณฺฑกาทินา สูกรภตฺเตน ปุฏฺโ. ฆรสูกโร หิ พาลกาลโต ปฏฺาย โปสิยมาโน ถูลสรีรกาเล เคหา พหิ นิกฺขมิตุ อลภนฺโต เหฏฺามญฺจาทีสุ สมฺปริวตฺติตฺวา อสฺสนฺโต ปสฺสนฺโต สยเตว. อิทํ วุตฺตํ โหติ: ยทา ปุริโส มิทฺธี จ โหติ มหคฺฆโส จ นิวาปปุฏฺโ มหาวราโห วิย จ อญฺเน อิริยาปเถน ยาเปตุ อสกฺโกนฺโต นิทฺทายนสีโล สมฺปริวตฺตสายี; ตทา โส "อนิจฺจํ ทุกฺขํ อนตฺตา ติ ตีณิ ลกฺขณานิ มนสิกาตุ น สกฺโกติ, เตสํ อมนสิการา มนฺทปฺปญฺโ ปุนปฺปุนํ คพฺภํ อุเปติ คพฺภวาสโต น ปริมุจฺจตี ติ.

	เทสนาวสาเน สตฺถา รญฺโ อุปการวเสน
	"มนุชสฺส สทา สตีมโต มตฺตํ ชานโต ลทฺธโภชเน ตนุกสฺส ภวนฺติ เวทนา, สณิกํ ชีรติ อายุ ปาลยนฺ ติ
อิมํ คาถํ ๑ วตฺวา อุตฺตรมาณวํ อุคฺคณฺหาเปตฺวา "อิมํ คาถํ รญฺโ โภชนเวลายเอว วเทยฺยาสิ, อิมินา จ อุปาเยน โภชนํ ปริหาเปยฺยาสี ติ อุปายํ อาจิกฺขิ. โส ตถา อกาสิ. ราชา อปเรน สมเยน นาฬิโกทนปรมตาย สณฺิโต สลฺลหุกสรีโร สุขปฺปตฺโต สตฺถริ อุปฺปนฺนวิสฺสาโส สตฺตาหํ อสทิสทานํ ปวตฺเตสิ. ทานานุโมทนาย สมฺปตฺตมหาชโน มหนฺตํ วิเสสํ ปาปุณี ติ.
ปเสนทิโกสลราชวตฺถุ.
************
๑. สํ. ส. ๑๕/๑๑๙.