ชั้นประโยค ป.ธ.๓

	๓. สมฺพหุลกุมารกวตฺถุ. (๑๐๙)

	"สุขกามานิ ภูตานีติ อิมํ ธมฺมเทสนํ สตฺถา เชตวเน
วิหรนฺโต สมฺพหุเล กุมารเก อารพฺภ กเถสิ.

	เอกสฺมึ หิ ทิวเส สตฺถา สาวตฺถิยํ ปิณฺฑาย ปวิสนฺโต
อนฺตรามคฺเค สมฺพหุเล กุมารเก เอกํ ฆรสปฺปชาติกํ อหึ ทณฺฑเกน ปหรนฺเต ทิสฺวา "กุมารกา กึ กโรถ าติ ปุจฺฉิตฺวา, "อหึ ภนฺเต ทณฺเฑน ปหราม าติ วุตฺเต, "กึ การณา ติ ปุน ปุจฺฉิตฺวา, "ฑํสนภเยน ๑ ภนฺเต ติ วุตฺเต, "ตุมฺเห `อตฺตโน สุขํ กริสฺสาม าติ อิมํ ปหรนฺตา นิพฺพตฺตนิพฺพตฺตฏฺาเน สุขลาภิโน น ภวิสฺสถ, อตฺตโน สุขํ ปตฺเถนฺเตน หิ ปรํ ปหริตุ น วฏฺฏตี ติ วตฺวา อนุสนฺธึ ฆเฏตฺวา ธมฺมํ เทเสนฺโต อิมา คาถา อภาสิ

	"สุขกามานิ ภูตานิ โย ทณฺเฑน วิหึสติ อตฺตโน สุขเม สาโน, เปจฺจ โส น ลภเต สุขํ. สุขกามานิ ภูตานิ โย ทณฺเฑน น หึสติ อตฺตโน สุขเม สาโน, เปจฺจ โส ลภเต สุขนฺ ติ.

ตตฺถ โย ทณฺเฑนาติ: โย ปุคฺคโล ทณฺเฑน วา เลฑฺฑุอาทีหิ วา วิเหเติ. เปจฺจ โส น ลภเต สุขนฺติ: โส ปุคฺคโล ปรโลเก มนุสฺสสุขํ วา ทิพฺพสุขํ วา ปรมตฺถภูตํ นิพฺพานสุขํ วา น ลภติ.

	ทุติยคาถาย. ๒ เปจฺจ โส ลภเตติ: โส ปุคฺคโล ปรโลเก
วุตฺตปฺปการํ ติวิธํปิ สุขํ ลภตี ติ อตฺโถ.

	เทสนาวสาเน ปฺจสตาปิ เต กุมารกา โสตาปตฺติผเล
ปติฏฺหึสู ติ.
สมฺพหุลกุมารกวตฺถุ.
************
๑. สี. ยุ. ฑสนภเยน. ๒. สี. ยุ. "ทุติยคาถายาติ นตฺถิ.