ชั้นประโยค ป.ธ.๓

	๑๒. สุภทฺทวตฺถุ. (๑๙๒)

	"อากาเสว ปทํ นตฺถีติ อิมํ ธมฺมเทสนํ สตฺถา กุสินารายํ
อุปวตฺตเน มลฺลานํ สาลวเน ปรินิพฺพานมญฺจเก นิปนฺโน สุภทฺทํ ปริพฺพาชกํ อารพฺภ กเถสิ.

	โส กิร อตีเต, กนิฏฺภาตริ เอกสฺมึ สสฺเส นวกฺขตฺตุ
อคฺคทานํ เทนฺเต, ทาตุ อนิจฺฉนฺโต โอสกฺกิตฺวา อวสาเน อทาสิ. ตสฺมา ปมโพธิยํปิ มชฺฌิมโพธิยํปิ สตฺถารํ ทฏฺฐุ นาลตฺถ, ปจฺฉิมโพธิยํ ปน สตฺถุ ปรินิพฺพานกาเล "อหํ ตีสุ ปญฺเหสุ อตฺตโน กงฺขํ มหลฺลเก ปริพฺพาชเก ปุจฺฉิตฺวา สมณํ โคตมํ `ทหโร ติ สญฺาย น ปุจฺฉึ, ตสฺส จทานิ ปรินิพฺพานกาโล, ปจฺฉา เม สมณสฺส โคตมสฺส อปุฏฺการณา วิปฺปฏิสาโร อุปฺปชฺเชยฺย าติ สตฺถารํ อุปสงฺกมิตฺวา อานนฺทตฺเถเรน นิวาริยมาโนปิ สตฺถารา โอกาสํ กตฺวา "อานนฺท มา สุภทฺทํ นิวารยิ, ปุจฺฉตุ มํ ปญฺหนฺ ติ วุตฺตตฺตา อนฺโตสาณึ ปวิสิตฺวา เหฏฺา มญฺจเก ๑ นิสินฺโน "โภ สมณ๒ กินฺนุ โข อากาเส ปทํ อตฺถิ, อิโต พหิทฺธา สมโณ นาม อตฺถิ, สงฺขารา สสฺสตา นาม อตฺถีติ อิเม ปญฺเห ปุจฺฉิ. อถ สฺส สตฺถา เตสํ อภาวํ อาจิกฺขนฺโต อิมาหิ คาถาหิ ธมฺมํ เทเสสิ
	"อากาเสว ปทํ นตฺถิ, สมโณ นตฺถิ พาหิโร; ปปญฺจาภิรตา ปชา, นิปฺปปญฺจา ตถาคตา. อากาเสว ปทํ นตฺถิ, สมโณ นตฺถิ พาหิโร,๓ สงฺขารา สสฺสตา นตฺถิ, นตฺถิ พุทฺธานมิ ญฺชิตนฺ ติ.
	ตตฺถ "ปทนฺติ: อิมสฺมึ อากาเส วณฺณสณฺานวเสน ๔
"เอวรูปนฺ ติ ปญฺาเปตพฺพํ กสฺสจิ ปทํ นาม นตฺถิ. พาหิโรติ: มม สาสนโต พหิทฺธา มคฺคผลฏฺโ สมโณ นาม นตฺถิ. ปชาติ: อยํ สตฺตโลกสงฺขาตา ปชา ตณฺหาทีสุ ปปญฺเจสุเยว อภิรตา. นิปฺปปญฺจาติ: โพธิมูเลเยว ปน สพฺพปปญฺจานํ สมุจฺฉินฺนตฺตา นิปฺปปญฺจา ตถาคตา. สงฺขาราติ: ปญฺจกฺขนฺธา, เตสุ เอโก สสฺสโต นาม นตฺถิ. อิญฺชิตนฺติ: พุทฺธานํ ปน, ตณฺหามานทิฏฺิอิญฺชิเตสุ เยน "สงฺขารา สสฺสตา ติ คณฺเหยฺยุ; ตํ เอกํ อิญฺชิตํปิ นตฺถี ติ อตฺโถ.

	เทสนาวสาเน สุภทฺโท อนาคามิผเล ปติฏฺหิ.
สมฺปตฺตปริสายปิ สาตฺถิกา ธมฺมเทสนา อโหสี ติ.
สุภทฺทวตฺถุ. มลวคฺควณฺณนา นิฏฺิตา. อฏฺารสโม วคฺโค.
************
๑. "มญฺจสฺส ปาทปสฺเสติ ยุตฺตตรํ. ๒. "โคตมาติ ปเทน ภวิตพฺพํ. ๓. สี. ยุ. พาหิเร. ๔. ปมาทลิขิเตน ภวิตพฺพํ.