ชั้นประโยค ป.ธ.๓

	๑๘. อุปฺปลวณฺณาเถรีวตฺถุ. (๒๘๑)

	"วาริ โปกฺขรปตฺเตวาติ อิมํ ธมฺมเทสนํ สตฺถา เชตวเน
วิหรนฺโต อุปฺปลวณฺณาเถรึ อารพฺภ กเถสิ.

วตฺถุ "มธุวา มญฺตี พาโล ติ คาถาวณฺณนาย วิตฺถาริต- เมว. วุตฺตํ หิ ตตฺถ: "อปเรน สมเยน มหาชโน ธมฺมสภายํ กถํ สมุฏฺาเปสิ "ขีณาสวาปิ มญฺเ กามํ เสวนฺติ ๑, กึ น เสวิสฺสนฺติ, นเหเต โกฬาปรุกฺขา น จ วมฺมิกา อลฺลมํสสรีราว; ตสฺมา เตปิ กามสุขํ สาทิยนฺตีติ. สตฺถา อาคนฺตฺวา "กาย นุ ตฺถ ภิกฺขเว เอตรหิ กถาย สนฺนิสินฺนาติ ปุจฺฉิตฺวา, "อิมาย นาม าติ วุตฺเต, "น ภิกฺขเว ขีณาสวา กามสุขํ สาทิยนฺติ น กาเม เสวนฺติ, ยถา หิ ปทุมปตฺเต ปติโตทกพินฺทุ น ลิปฺปติ น สณฺาติ, วินิวตฺติตฺวา ปตเตว; ยถา จ อารคฺเค สาสโป น อุปลิปฺปติ น สณฺาติ, วินิวตฺติตฺวา ปตเตว; เอวํ ขีณาสวสฺส จิตฺเต ทุวิโธปิ กาโม น ลิปฺปติ น สณฺาตี ติ วตฺวา อนุสนฺธึ ฆเฏตฺวา ธมฺมํ เทเสนฺโต อิมํ พฺราหฺมณวคฺเค คาถม าห
	"วาริ โปกฺขรปตฺเตว อารคฺเคริว สาสโป โย น ลิปฺปติ ๒ กาเมสุ, ตม หํ พฺรูมิ พฺราหฺมณนฺ ติ.
	ตตฺถ "โย น ลิปฺปตีติ: เอวเมว โย อพฺภนฺตเร ทุพฺพิเธปิ กาเม๓
น อุปลิปฺปติ ตสฺมึ กาเม น สณฺาติ, ตม หํ พฺราหฺมณํ วทามี ติ อตฺโถ.

	เทสนาวสาเน พหู โสตาปตฺติผลาทีนิ ปาปุณึสู ติ.
อุปฺปลวณฺณาเถรีวตฺถุ.
************
๑. ม. ขีณาสวา มญฺเ กามสุขํ สาทิยนฺติ. กามํ เสวนฺติ. ๒. ม. ลิมฺปติ. ๓. สี. ยสฺมึ กาเม.